免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

Lady Barbara

本帖隱藏的內容需要回復才可以瀏覽


波士係姊妹

今日係我放咗10日長假之後,第一日返工,梗係冇乜Mood,再加上波士上個月畀人炒咗,我雖然可以獨善其身,但都難免有啲傷感,話晒都一場主僕2年,點都要哀悼一、兩日,先叫做有啲人情味。不過尋晚上層嘅姣婆Macy一早已經同我放風,話今日會有個新官上任,我第一時間就問係男係女,知道係男人,我當堂眼睛閃一閃,服侍男波士係我嘅強項,全公司邊個唔知我秘書Barbara,係公司出晒名嘅Boss Killer,好多男波士都畀我搞到貼貼服服。不過Macy跟手就同我講,呢個波士表面上係男人,但內裏有乾坤。哦……我一點就明白啦!原來係「自己人」。冇問題,我應付姊妹都好有一手。

  結果中午時分,終於見到個外表Man到震,但儀態萬千嘅男人出現:「你好!我係Richard!」「Hi,我係Barbara,係你嘅私人秘書,有咩事隨時打內線167搵我吖!」之後佢又好有姿態咁行咗入房。我心諗,原來係佢,唔怪之得基得咁神秘啦!不過橫睇掂睇都係一件筍盤,真係好浪費。惟有當佢姊妹一樣看待啦!不過一身姣氣冇地方宣洩,真係有啲身痕,冇辦法提起精神好好工作,尤其是聽晚係Friday Night,谷咗一星期嘅慾火係時候釋放出嚟!一於打電話約晒班Clubber ,Plan好聽晚一放工,準時6點鐘就衝去雲咸街歎意大利小食,一邊飲番杯Sparkling Wine,一邊慢慢歎炸米球、巴馬火腿蜜瓜、吞拿魚慕絲酥同芝士點心,真係諗起都成個人精神晒。最重要係歎完意大利美食之後,仲可以轉場去「億元會」放線釣魚,因為聽晚有「DJ 牛仔」駐場打碟,一定逼到人山人海。今晚一於早啲返屋企,做定個深海鱘魚子精華面膜補一補先!雖然我對自己個殼好有信心,但為咗到時落場艷光四射,呢啲錢唔慳得嘅……(待續)

Lady Barbara

某大公司高級行政秘書,年齡係秘密,蒲齡更加無謂講,向以獵男為己任,志願係嫁個有錢人,日日行街Shopping、High Tea做Facial,早日脫離打工行列。
返回列表