免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

香港:猛男騷肌 張國強(KK)全身赤裸 脫褲誘惑、偷拍 重口味!

本帖最後由 資三 於 2013-6-13 02:12 編輯


猛男騷肌
■《情越海岸線》黃浩然同楊明等猛男亦有晒肌。電視圖片


■KK係運動員出身,自言冇刻意操弗,正常運動就已經有5嚿半腹肌。


■今年56歲嘅KK露得比朱璇仲多,真係大犧牲。電視圖片

唔認露肉重口味
張國強鼓勵阿叔喼弗


最近張家輝晒肌成為熱話,年過半百嘅張國強(KK)都唔執輸,前晚喺無綫新劇《情越海岸線》亦犧牲色相。劇情講述朱璇飾演嘅Maggie姣黐張國強飾演嘅程Sir,KK剛啱沖完涼,朱璇即衝入廁所,KK全身赤裸令人想入非非。估唔到今次露得最多唔係朱璇,而係56歲嘅KK騷body,隱隱見佢有五嚿半腹肌,由廁所打到出大廳,睇到一班師奶粉絲嘩嘩鬼叫。

露到上咗癮

KK梗係唔認劇情重口味,噚日喺電話度笑笑口話:「我都就嚟六張嘢,叫我阿叔、阿伯都冇所謂,但如果大家見我嘅身材,可以喚醒大家要注重健康,有一啲效應,我覺得幾好。」KK仲自爆啱啱拍咗另一部無綫劇《舌劍上的公堂》一樣要露上半身,唔通露到上咗癮?佢話:「唔會,睇番劇情需要啫,《舌》劇話我練緊功夫嘛。」

練功都要除衫?合唔合情理見仁見智,講番《情》劇,KK同盧宛茵(Madam)做夫妻,好多人覺得老妻少夫,一啲都唔襯,KK幫口話:「其實Madam大我兩年(實際3年),佢飾演嘅師奶好稱職,劇情係講佢一路肥,我就係操得好弗嘅體育老師,有乜唔襯都係我做得唔好。」KK都承認近年甘草演員流失率高,佢話唔介意越演越老,有多啲唔同角色發揮仲開心。


http://hk.apple.nextmedia.com/entertainment/art/20130607/18287189

朱璇扮遇溺等張國強救佢,兩人有唔少身體接觸。(電視截圖)(電視畫面)


美琪(朱璇飾)幫程Sir(張國強飾)囝囝補習,以博取好感。(電視截圖)


學人玩風帆。(電視截圖)


點知扮浸親(電視截圖)


程Sir奮力救佢(電視截圖)

        
程Sir抱起美琪(電視截圖)


有冇事呀?(電視截圖)


中佬年紀的張國強,身材仍然算Fit啵﹗(電視截圖)


美琪主動替程Sir抹身。(電視截圖)


放晒電呀(電視截圖)


原來美琪已經偷拍咗(電視截圖)

姣黐張國強
朱璇(Oceane)自爆係變性人


《情越海岸線》講到飾演護士嘅甘美琪(朱璇飾演),幫程Sir(張國強飾)囝囝補習,美琪對程Sir嗒晒糖添。

當美琪偷聽到程Sir要去風帆時,自己靜雞雞跟埋去玩,仲刻意巧遇程Sir,點知程Sir冇乜點理佢,美琪就索性嚟一招扮遇溺,等程Sir救佢,劇中見到程Sir奮力救美琪上岸,之後程Sir仲扶佢返屋企,盡顯男士風度。

期間程Sir斟水畀美琪飲時唔小心倒瀉水,仲整濕條褲,此時美琪主動幫對方抹身,嚇倒程Sir即時起身彈開,仲話自己有老婆(盧宛茵飾),而美琪就話程Sir誤會晒,自己唔係對佢有特別意思喎。

之後美琪仲自爆唔係正常女人,佢真正身份係變性人,此話令程Sir一臉懷疑,跟住美琪又話自己儲緊錢準備做完另一半手術,佢太忘形話因為本身係男兒身,唔記得咗已經依家女人身份,先對程Sir咁熱情,但程Sir仍質疑佢係咪變性人,美琪就打算除褲畀佢睇,程Sir當然話唔使啦,之後就急急腳離開間屋,但其實美琪已經偷拍剛才佢幫程Sir抹身片段,佢好陰險呀﹗


http://hk.apple.nextmedia.com/enews/realtime/20130603/51453284

■朱璇話出動泳裝勾引張國強,之但係件衫密實過潛水衣咁滯喎。


■朱璇喺劇中施展唔同方法勾引張國強,聽落咁似蜘蛛精誘惑唐僧嘅橋段嘅!設計圖片及對白

玩埋重口味
朱璇扮人妖誘KK


無綫近排黃金時段收視欠佳,重頭劇《金枝慾孽貳》平均收視得番19點(約122萬觀眾),跌到一地眼鏡碎!好彩新劇《情越海岸線》開播第一個星期收視唔錯,有平均25點收視(約161萬觀眾),除咗因為劇情輕鬆易明有關。尤其係劇中故事圍繞喺長洲發生,點會少得靚女泳裝同重口味劇情呢!

嚟緊朱璇都會着泳裝喺劇中出現,今次佢做嘅角色仲好大挑戰,要勾引KK張國強。朱璇噚日喺電話中話:「今次我演失婚婦人,有少少變態,因為婚姻失敗,唔相信呢個世界有好男人,而演風帆教練嘅KK係絕頂好男人,我咪去學風帆勾引佢,想證明呢個世界冇好男人囉!」朱璇唔止着泳衣,仲會着睡衣同背心、短褲試KK嘅定力,為咗令KK對佢放下戒心,朱璇仲會同KK講話佢唔係女人,係人妖,唔信可以除褲畀佢睇,香艷得嚟又幾搞笑喎!

首次扮唔正經

雖然朱璇講到個角色咁豪放,不過見佢件泳衣只係露背,好難滿足到一眾男fans要求,佢就話:「都係着件保守啲嘅泳衣安全啲!」原來今次係佢第一次做唔正經女人角色,咁佢介唔介意成日着泳衣或者性感演出呢?佢就話:「睇吓劇情需唔需要啦,我就唔係太鍾意,想大家留意我演戲多啲。」我哋梗係會留意你嘅演技啦,不過同場加演埋性感就最「perfect池」,朱璇,抗議無效呀!
陳基征                                    


http://hk.apple.nextmedia.com/entertainment/art/20130522/18267425
        
唔睇劇情,齋睇相,請自行度呢場戲嘅對白。


1


2


3


4


5


「這個才叫做愛」

        
填充題…

《淫亂事業線》?
朱璇+陳展鵬+張國強露肉3P


最近張家輝晒肌成為熱話,年過半百嘅張國強(KK)都唔執輸,噚晚喺無綫新劇《情越海岸線》亦犧牲色相。劇情講述朱璇飾演嘅Maggie姣黐張國強飾演嘅程Sir,KK剛啱沖完涼,朱璇即衝入廁所,KK全身赤裸令人想入非非。

估唔到今次露得最多唔係朱璇,而係今年56歲嘅KK騷body,隱隱見到佢有六嚿腹肌,由廁所打到出大廳,睇到一班師奶粉絲V嘩鬼叫。最好笑仲係,KK向朱璇講明唔會受佢美色迷惑、話自己忠於老婆盧宛茵﹕「由我結婚嗰一刻開姑,就算生老病死,貧窮疾病,我都會對佢不離不棄。咁樣先叫做愛。愛就係唔會做出對老婆唔住嘅事。」當時KK係半裸上身講嘅,咁啱對白上字,又係得「這才叫做愛」……唉,so sad。

之後嘅畫面仲離譜,畫面有露白滑長腿嘅朱璇BB、半裸KK同full dress嘅陳展鵬,三個喺客廳搞埋一堆,朱璇不斷掙扎,露出痛苦表情;兩個男人就係咁「夾」佢、「箝」佢,唔睇開劇情,真係以為播緊重口味強姦戲。查實,呢場戲只係講朱璇失去常性,用刀脅持盧宛茵。之不過,呢場兩男夾一女嘅連環截圖,今日就喺網上瘋傳,唔少人大彈重口味。亦有人話個劇越來越鹹,唔止事業線、床戲、腹肌,依家連「3p」都出動埋,不禁問一句﹕「呢套係咪《淫亂事業線》嚟0架?」


http://hk.apple.nextmedia.com/enews/realtime/20130606/51462072

年屆56歲的張國強,身型弗爆﹗(電視截圖)


程Sir赫然見到Maggie,都嚇呆咗。(電視截圖)


色誘程Sir(電視截圖)


wow...(電視截圖)


Fit榮同Heidi及時趕到(電視截圖)


Fit榮情急智生扮佢老公(電視截圖)


朱璇色誘張國強不遂,打算殺盧宛茵,好彩陳展鵬及時趕到,合力將佢制服。(電視截圖)(電視畫面)

朱璇色誘張國強
李綺雯狼吻黃浩然


《情越海岸線》近三集劇情都係圍繞朱璇飾演嘅Maggie身上,前晚講到Maggie姣黐張國強飾演嘅程Sir,仲自爆係變性人身份;噚晚嗰集就話Maggie情挑程Sir,男方仲漏低隻戒指係Maggie屋企,搞到程Sir百詞莫辯,仲同老婆(盧宛茵飾)吵大鑊,差啲離婚咁滯。

今集講到Fit榮(陳展鵬飾)同Heidi(李詩韻飾)察覺事有蹺蹊,仲認為Maggie精神可能有問題,所以去咗佢屋企查探究竟,結果發現佢房內有個棺材仔....

與此同時,Maggie唔知用乜嘢方法同埋乜嘢時候,偷入咗程Sir屋企,仲拎住把刀匿入睡房衣櫃添(吓?)。

當程師奶入睡房時,Maggie突然從衣櫃殺出,仲用把刀指嚇對方,兼將程師奶封嘴兼綁喺客廳;呢個時候,程Sir其實都係屋企嘅,不過佢去咗沖涼,所以聽唔到客廳發生乜事(吓吓?)。

之後Maggie又想情挑程Sir,當程Sir赫然見到Maggie企喺浴室門口都嚇呆,無論程Sir幾費唇舌話自己愛老婆,Maggie都當耳邊風,仲除去外套色誘佢,好彩程Sir冇受誘惑,定力夠咋。

Maggie見色慾計唔得逞,一怒之下衝返出客廳,仲拎把刀想殺程師奶,此時Fit榮同Heidi趕到,Fit榮仲情急智生,突然Maggie老公上身,企圖分散佢注意力,糾纏期間Heidi為救程師奶而弄傷手臂,而混亂期間Maggie仲疑似掂到「小Fit榮」。

事後查出Maggie因為老公有婚外情,加上BB夭折而大受打擊,變得精神有問題,搞到佢好討厭恩愛夫婦,最後Maggie被送往精神病院接受治療,事情總算告一段落,經此一役,仲修補埋Heidi同程師奶關係。

題外話,朱璇雖然得幾集戲份,但都演得唔錯,幾搶戲㗎﹗至於現年56歲的張國強,身材依然甚Fit,胸肌腹肌絕不失禮,同班後生仔有得揮呀﹗


http://hk.apple.nextmedia.com/enews/realtime/20130605/51459187
返回列表